લીક થયો સારા અને કાર્તિકનો વીડિયો, ચાહકોએ ધોયા માછલાં અને આપી વણમાગી સલાહ

મુંબઈ : સારા અલી ખાન અને કાર્તિક આર્યન હાલમાં ‘લવ આજ કલ 2’નું શૂટિંગ કરી રહ્યા છે. બોલિવૂડમાં આ સારાની ત્રીજી ફિલ્મ હશે. આ પહેલા તે સુશાંત સિંહ રાજપૂતના ઓપોઝિટ ‘કેદારનાથ’ અને રણવીર સિંહના આપોઝિટ ‘સિંબા’માં જોવા મળી હતી. ફિલ્મના સેટથી લીક થયેલી ઘણી તસવીરે અને વીડિયો ઈન્ટરનેટ પર વાઈરલ થઈ રહી છે. હાલમાં આ વચ્ચે એક વીડિયો સોશિયલ મીડિયા પર ખૂબ ચર્ચામાં છે જેમાં બંને એક્ટર્સ દિલ્હીમાં બાઈક રાઈડ એન્જોય કરતા દેખાય છે. જોકે આ વીડિયોને કારણે સોશિયલ મીડિયામાં સારાને ટ્રોલ કરવામાં આવી છે. 

View this post on Instagram

Sara💕 x Kartik on the set🎥 @saraalikhan95 @kartikaaryan #saraalikhan #kartikaaryan

A post shared by 🌸Khans & Kapoors🌸 (@sarajanhvi) on Mar 17, 2019 at 3:20am PDT

હકીકતમાં આ બાઇક રાઇડ વખતે સારાએ હેલમેટ નથી પહેરી. આ મુદ્દાને લઈને અનેક લોકો તેને ટ્રોલ કરી રહ્યા છે અને અનેક ચાહકો તેને આવું ન કરવાની સલાહ આપી રહ્યા છે. 

બોલિવૂડમાં ધમાકેદાર ડેબ્યુ કરનારી એક્ટ્રેસ સારા અલી ખાને ફિલ્મમેકર કરણ જોહરના શો પર ઇચ્છા વ્યક્ત કરી હતી કે તે કાર્તિક આર્યનને ડેટ કરવા ઇચ્છે છે. સારાના આ નિવેદન પછી કાર્તિક સાથેના તેના સંબંધો વિશે ગોસિપ શરૂ થઈ ગઈ હતી. હવે સમાચાર આવ્યા છે કે આ બંને હાલમાં લવ આજ કલ 2નું શૂટિંગ કરી રહ્યા છે. રિપોર્ટ મુજબ ‘લવ આજકલ’ના બીજા પાર્ટ માટે ઈમ્તિયાઝ અલીએ સારા અલી ખાન અને કાર્તિક આર્યનને કાસ્ટ કર્યા છે. ફિલ્મનું શૂટિંગ શરૂ થઈ ગયું છે. હાલમાં ફિલ્મના એક સીનનો વીડિયો સોશિયલ મીડિયામાં વાઈરલ થયો હતો જેમાં રોમેન્ટિક સીનના શૂટિંગ વખતે સારા અને કાર્તિક લિપલોક કરતા જોવા મળ્યા હતા.